Please learn the following texts well for the mid-term test.
The test will include:
1) dictation,
2) questions on the meaning, case, tense of the words,
3) translation from Latin sentences using the vocabularies from the texts.


Genesis 1:1-4
1) In principio creavit Deus caelum et terram.
2) Terra autem erat inanis et vacua, et tenebrae super faciem abyssi, et spiritus Dei ferebatur super aquas.
3) Dixitque Deus: "Fiat lux". Et facta est lux.
4) Et vidit Deus lucem quod esset bona et divisit lucem ac tenebras.

Genesis 44: 1-4
1) praecepit autem Ioseph dispensatori domus suae dicens: “imple saccos eorum frumento, quantum possunt capere, et pone pecuniam singulorum in summitate sacci.
2) scyphum autem meum argenteum et pretium, quod dedit tritici, pone in ore sacci iunioris.” factumque est ita.
3) et, orto mane, dimissi sunt cum asinis suis.
4) jamque urbem exierant et processerant paululum, tum Ioseph arcessito dispensatore domus: “surge, inquit, persequere viros; et adprehensis dicito: “quare reddidistis malum pro bono?

Exodus 5: 1-23
1) Post haec ingressi sunt Moyses et Aaron et dixerunt pharaoni: “Haec dicit Dominus, Deus Israel: Dimitte populum meum, ut sacrificet mihi in deserto”.
2) At ille respondit: “Quis est Dominus, ut audiam vocem eius et dimittam Israel? Nescio Dominum et Israel non dimittam”.
3) Dixeruntque: “Deus Hebraeorum occurrit nobis; eamus, quaeso, viam trium dierum in solitudinem et sacrificemus Domino Deo nostro, ne forte accidat nobis pestis aut gladius”.
4) Ait ad eos rex Aegypti: “ Quare, Moyses et Aaron, sollicitatis populum ab operibus suis? Ite ad onera vestra”.
5) Dixitque pharao: “Multus nimis iam est populus terrae; videtis quod turba succreverit; quanto magis si dederitis eis requiem ab operibus?”.
6) Praecepit ergo in die illo exactoribus populi et praefectis eius dicens:
7) “Nequaquam ultra dabitis paleas populo ad conficiendos lateres sicut prius, sed ipsi vadant et colligant stipulas.
8) Et mensuram laterum, quam prius faciebant, imponetis super eos; nec minuetis quidquam. Vacant enim et idcirco vociferantur dicentes: "Eamus et sacrificemus Deo nostro".
9) Opprimantur operibus et expleant ea, ut non acquiescant verbis mendacibus”.

John 1: 1-5
1) in principio erat Verbum et Verbum erat apud Deum et Deus erat Verbum
2) hoc erat in principio apud Deum
3) omnia per ipsum facta sunt et sine ipso factum est nihil quod factum est
4) in ipso vita erat et vita erat lux hominum
5) et lux in tenebris lucet et tenebrae eam non conprehenderunt